牽手度青春
《牽手度青春》Khan-tshiú Tōo Tshing-tshun
呂雙雙Lū Song-song(廈門)
陳漳樂Tân Tsiang-lo̍k(泉州晉江)
——————————————
女)
月光彼一暗
gue̍h-kng hit tsi̍t-àm
車頭等無人
tshia-thâu tán-bô lâng
催聲陣陣霆
tshui-siann tsūn-tsūn tân
你煞來將阮放
lí suah lâi tsiong gún pàng
男)
月臺無情的車幫
gua̍t-tâi bô-tsîng ê tshia-pang
恨我來相送
hūn guá lâi sio-sàng
拆散鴛鴦的戀夢
thiah-suànn uan-iunn ê luân-bāng
害我害我
hāi guá hāi guá
變成了無情的人
piàn-sîng liáu bô-tsîng ê lâng
女)
望天公伯仔疼惜咱
bāng thinn-kong-peh–á thiànn-sioh lán
為咱閣開一片窗
uī lán koh khui tsi̍t-phìnn thang
予真心相愛照心願
hōo tsin-sim siong-ài tsiàu sim-guān
毋通毋通來斷送
m̄-thang m̄-thang lâi tuān-sàng
男)
望天公伯仔疼惜咱
bāng thinn-kong-peh–á thiànn-sioh lán
為咱閣開一扇門
uī lán koh khui tsi̍t-sìnn mn̂g
無論未來的路
bô-lūn bī-lâi ê lōo
有偌遠
ū guā hn̄g
牽你的手度青春
khan lí ê tshiú tōo tshing-tshun
女)
望你陪阮看黃昏
bāng lí puê gún khuànn hông-hun
男)
望你陪阮到天光
bāng lí puê gún kàu thinn kng
合)
望你陪阮
bāng lí puê gún
每時每刻每一分
muí-sî muí-khik muí tsi̍t-hun
