無邊的情海
《無邊的情海》Bô-pinn ê Tsîng-hái
吳石Ngôo Tsioh
——————————————
漂泊的心
phiau-po̍k ê sim
流浪的情
liû-lōng ê tsîng
滿腹辛酸
muá-pak sin-sng
啥人會了解
siánn-lâng ē liáu-kái
愛你的心
ài lí ê sim
愛你的唚
ài lí ê tsim
摻著無淚的目屎
tsham tio̍h bô luī ê ba̍k-sái
鬱卒囥心內
ut-tsut khǹg sim-lāi
毋敢予人知
m̄-kánn hōo-lâng tsai
一喙吞落百般的無奈
tsi̍t-tshuì thun lo̍h pah-puann ê bô-nāi
啊~沉醉在無邊的情海
ah~ tîm-tsuì tsāi bô-pinn ê tsîng-hái
我甘願一生為你走天涯
guá kam-guān it-sing uī lí tsáu thian-gâi
假使得著了全世界
ká-sú tit-tio̍h liáu tsuân sè-kài
猶原換無你的愛
iu-guân uānn-bô lí ê ài
這敢毋是男人
tse kám m̄ sī lâm-jîn
最大的悲哀
tsuè tuā ê pi-ai
啊~心愛的
ah~ sim-ài–ê
請你愛了解
tshiánn lí ài liáu-kái
你是我今生唯一的愛
lí sī guá kim-sing uî-it ê ài
期待幸福的明仔載
kî-thāi hīng-hok ê bîn-á-tsài
我會閣再振作起來
guá ē koh-tsài tsín-tsok khí-lâi
啊~性命中無你
ah~ sìnn-miā tiong bô lí
哪有色彩
ná-ū sik-tshái
