多情人註定孤單
《多情人註定孤單》To-tsîng-lâng Tsù-tiānn Koo-tuann
文豪Bûn-hô
——————————————
月娘罩霧掛佇遐
gue̍h-niû tà-bū kuà tī hia
親像這馬的心情
tshin-tshiūnn tsit-má ê sim-tsiânn
燕仔相倚雙飛影
ìnn-á sio-uá siang-pue iánn
阮是無伴守踮遮
gún sī bô-phuānn siú tiàm tsia
蠟燭已經燒欲焦
la̍h-tsik í-king sio beh ta
鴛鴦枕頭淚來潑
uan-iunn tsím-thâu luī lâi phuah
山盟海誓夢一攤
san-bîng hái-sè bāng tsi̍t-thuann
受傷的心搐搐疼
siū-siong ê sim tiuh-tiuh-thiànn
啊~無情人你無心肝
ah~ bô-tsîng-lâng lí bô-sim-kuann
放捒我就做你行
pàng-sak guá tiō tsuè lí kiânn
多情人註定孤單
to-tsîng-lâng tsù-tiānn koo-tuann
怨嘆情路多坎崎
uàn-thàn tsîng-lōo to khám-kiā
無奈委屈重重疊
bô-nāi uí-khut tīng-tîng tha̍h
滾滾目屎流袂煞
kún-kún ba̍k-sái lâu buē-suah
夜半深更會畏寒
iā-puànn tshim-kinn ē uì-kuânn
寂寞只有藏心肝
tsi̍k-bo̍k tsí-ū tshàng sim-kuann
