今日好日子
《今日好日子》Kim-ji̍t Hó Ji̍t-tsí
陳雪兒Tân Suat-jî(漳州石獅)
——————————————
今日是一个好日子
kim-ji̍t sī tsi̍t-ê hó ji̍t-tsí
親情朋友鬥陣
tshin-tsiânn pîng-iú tàu-tīn
是真歡喜
sī tsin huann-hí
薰來點一枝
hun lâi tiám–tsi̍t-ki
燒酒斟予滇
sio-tsiú thîn hōo tīnn
毋知董的總的
m̄-tsai táng–ê tsóng–ê
這擺佇佗位趁錢
tsit-pái tī tó-uī thàn-tsînn
真歡喜捌著你
tsin huann-hí bat tio̍h lí
互相交換名片
hōo-siong kau-uānn miâ-phìnn
後擺若有合作機會
āu-pái nā ū ha̍p-tsok ki-huē
記得打手機
jìdé dǎ shǒujī
逐家來鬥歡喜
ta̍k-ke lâi tàu huann-hí
頭家是笑嘻嘻
thâu-ke sī tshiò hi-hi
咱來祝福怹的日子
lán lâi tsiok-hok in ê ji̍t-tsí
糖甘蜜甜
thn̂g-kam bi̍t-tinn
來
lâi
逐家免客氣
ta̍k-ke bián kheh-khì
這杯我敬你
tsit pue guá kìng lí
趁著今日這个好日子
thàn tio̍h kim-ji̍t tsit ê hó ji̍t-tsí
