秋風落葉
《秋風落葉》Tshiu-hong Lo̍h-hio̍h
涂秀英Thôo Siù-ing
——————————————
秋風吹
tshiu-hong tshue
清風吹來落葉聲
tshing-hong tshue lâi lo̍h-hio̍h siann
可比怹姊妹
khó-pí in tsiá-muē
時常嘆歹命
sî-siông thàn pháinn-miā
無爸無母無親情
bô pē bô bú bô tshin-tsiânn
天涯茫茫何處行
thian-gâi bâng-bâng hô-tshù kiânn
敢是註定可憐命
kám-sī tsù-tiānn khó-liân miā
珠淚滴
tsu-luī tih
可比樹葉落袂定
khó-pí tshiū-hio̍h lo̍h buē-tiānn
秋風吹
tshiu-hong tshue
秋風吹來透心胸
tshiu-hong tshue–lâi thàu sim-hing
為怎樣
uī-tsuánn-iūnn
世態炎涼遮無情
sè-thài iâm-liâng tsiah bô-tsîng
秋風替怹抱不平
tshiu-hong thè in phāu-put-pîng
落葉為怹心頭凝
lo̍h-hio̍h uī in sim-thâu gîng
世間啥人來同情
sè-kan siánn-lâng lâi tông-tsîng
珠淚滴
tsu-luī tih
可比樹葉落袂停
khó-pí tshiū-hio̍h lo̍h buē-thîng
