快樂的歌聲
《快樂的歌聲》Khuài-lo̍k ê Kua-siann
洪一峰Âng It-hong
——————————————
人生是靠活動
jîn-sing sī khò ua̍h-tāng
毋通來議論
m̄-thang lâi gī-lūn
歌聲抒情來協助
kua-siann su-tsîng lâi hia̍p-tsōo
大家笑呅呅
tāi-ke tshiò bûn-bûn
和唱輕鬆的歌詩
hô-tshiùnn khin-sang ê kua-si
保持永遠好青春
pó-tshî íng-uán hó tshing-tshun
放捒一切心憂悶
pàng-sak it-tshè sim iu-būn
快樂像浮雲
khuài-lo̍k tshiūnn phû-hûn
社會是靠兄弟
siā-huē sī khò hiann-tī
互相來幫忙
hōo-siong lâi pang-bâng
喜怒哀樂咱有份
hí-nōo ai-lo̍k lán ū hūn
大家心相投
tāi-ke sim siong tâu
和唱輕鬆的歌詩
hô-tshiùnn khin-sang ê kua-si
無人完成好希望
bô-lâng uân-sîng hó hi-bāng
放捒一切心苦痛
pàng-sak it-tshè sim khóo-thàng
快樂心茫茫
khuài-lo̍k sim bâng-bâng
家庭是靠溫柔
ka-tîng sī khò un-jiû
美滿像月圓
bí-muá tshiūnn ge̍h-înn
鹹酸苦澀著忍耐
kiâm-sng khóo-siap tio̍h jím-nāi
期待好時機
kî-thāi hó sî-ki
和唱輕鬆的歌詩
hô-tshiùnn khin-sang ê kua-si
補給心內的空虛
póo-kip sim-lāi ê khang-hi
放捒一切心哀悲
pàng-sak it-tshè sim ai-pi
快樂糖蜜甜
khuài-lo̍k thn̂g-bi̍t-tinn
