迷人的芳水味
《迷人的芳水味》Bê-lâng ê Phang-tsuí Bī
葉諾帆Ia̍p Lo̍k-huân
——————————————
閣再陪你演落去
koh-tsài puê lí ián–lo̍h-khì
無結局感情戲
bô kiat-kio̍k kám-tsîng-hì
一个人又來到
tsi̍t-ê-lâng iū lâi-kàu
這个無人的城市
tsit ê bô-lâng ê siânn-tshī
冰冷破碎的心
ping-líng phuà-tshuì ê sim
予你用無情來覺醒
hōo lí iōng bô-tsîng lâi kak-tshínn
千古不變的情
tshian-kóo put-piàn ê tsîng
到遮為止
kàu tsia uî-tsí
時間漸漸來停止
sî-kan tsiām-tsiām lâi thîng-tsí
雨水拍佇我的面
hōo-tsuí phah tī guá ê bīn
雨中的相思
hōo-tiong ê siunn-si
浮現在過去
phû-hiān tsāi kuè-khì
今夜的雨水
kim-iā ê hōo-tsuí
有啥人看見
ū siánn-lâng khuànn-kìnn
啥人來安慰
siánn-lâng lâi an-uì
猶原揣無你的氣味
iu-guân tshuē-bô lí ê khì-bī
腦海內滿滿是你
náu-hái lāi muá-muá sī lí
今夜的雨水
kim-iā ê hōo-tsuí
等你來看見
tán lí lâi khuànn-kìnn
心疼的暗暝
sim thiànn ê àm-mî
無論未來
bô-lūn bī-lâi
風雨怎樣凌遲
hong-hōo tsuánn-iūnn lîng-tî
身邊猶原
sin-pinn iu-guân
有你的芳水味
ū lí ê phang-tsuí bī
