無拚哪會紅
《無拚哪會紅》Bô Piànn Ná Ē Âng
蔡愫霞Tshuà Sòo-hâ
——————————————
咱欲行出家己的路
lán beh kiânn tshut ka-tī ê lōo
無人會當共我阻擋
bô-lâng ē-tàng kā guá tsóo-tòng
就算海上千風百浪
tiō-sǹg hái-siōng tshian-hong pah-lōng
咱有咱家己的方向
lán ū lán ka-tī ê hong-hiòng
我知影你心中也有夢
guá tsai-iánn lí sim-tiong iā ū bāng
向望從來毋是求別人
ǹg-bāng tsiông-lâi m̄-sī kiû pa̍t-lâng
機會無可能等待人
ki-huē bô-khó-lîng tán-thāi lâng
有夢無拚哪會紅
ū bāng bô piànn ná ē âng
我的信心
guá ê sìn-sim
掌握佇我心中
tsióng-ak tī guá sim-tiong
咱只有戰勝家己的力量
lán tsí-ū tsiàn-sìng ka-tī ê li̍k-liōng
價值才是所有的成功
kè-ta̍t tsiah-sī sóo-ū ê sîng-kong
無論別人按怎講
bô-lūn pa̍t-lâng án-tsuánn kóng
堅心做自己的英雄
kian sim tsuè tsū-kí ê ing-hiông
