愛堅強
《愛堅強》Ài Kian-kiông
黃艾莉N̂g Ngāi-lī
——————————————
今日若是離開故鄉
kim-ji̍t nā-sī lī-khui kòo-hiong
心愛的請原諒
sim-ài–ê tshiánn guân-liōng
雖然是
sui-jiân sī
前途罩風霜
tsiân-tôo tà hong-song
嘛著愛堅強
mā tio̍h-ài kian-kiông
愛堅強
ài kian-kiông
上北夜車
tsiūnn-pak iā-tshia
慢慢起行
bān-bān khí-kiânn
無情的霜風冷雨
bô-tsîng ê sng-hong líng-hōo
送阮來到他鄉
sàng gún lâi-kàu thann-hiong
啊~心愛的
ah~ sim-ài–ê
免怨嘆
bián uàn-thàn
免悲傷
bián pi-siong
等待幸福來手中
tán-thāi hīng-hok lâi tshiú-tiong
一跤行李
tsi̍t-kha hîng-lí
裝滿理想
tsng-buán lí-sióng
請你著愛保重
tshiánn lí tio̍h-ài pó-tiōng
雖然是滿腹的苦衷
sui-jiân sī muá-pak ê khóo-thiong
隨風來漂浪
suî hong lâi phiau-lōng
來漂浪
lâi phiau-lōng
昨暝夢中
tsa-mî bāng-tiong
阮有看見
gún ū khuànn-kìnn
懷念的爸母笑容
huâi-liām ê pē-bú tshiò-iông
是阮安慰的力量
sī gún an-uì ê li̍k-liōng
啊~做一个
ah~ tsuè tsi̍t-ê
堅強的女人啊
kian-kiông ê lú-jîn–ah
目屎滴滴換成功
ba̍k-sái tih-tih uānn sîng-kong
