人去樓空
《人去樓空》Lâng Khì Lâu Khang
郭獎Kueh Tsióng(郭碁Kueh Kî, 郭之儀Kueh Tsi-gî)
——————————————
天攏睏袂光
thinn lóng khùn buē kng
半暝起床
puànn-mî peh khí-tshn̂g
想著咱過去
siūnn-tio̍h lán kuè-khì
做伙的時陣
tsò-hué ê sî-tsūn
月娘的笑容
gue̍h-niû ê tshiò-iông
浮出阮的願望
phû tshut gún ê guān-bōng
予阮更加懷念
hōo gún kìng-ka huâi-liām
你對阮的體諒
lí tuì gún ê thé-liōng
沉重的跤步聲
tîm-tāng ê kha-pōo siann
阮準是你咧行
gún tsún sī lí teh kiânn
熟似的形影
si̍k-sāi ê hîng-iánn
叫袂出你的名
kiò buē-tshut lí ê miâ
苦情一場夢
khóo-tsîng tsi̍t-tiûnn bāng
人去樓閣空空
lâng khì lâu koh khang-khang
酸酸的鼻頭
sng-sng ê phīnn-thâu
目屎放水流
ba̍k-sái pàng tsuí lâu
人去樓空
lâng khì lâu khang
好親像夢中
hó-tshin-tshiūnn bāng-tiong
咧做一夢
teh tsuè tsi̍t-bāng
哪通叫我
ná thang kiò guá
做你永遠的第二房
tsuè lí íng-uán ê tē-jī pâng
人去樓空
lâng khì lâu khang
痴情只有對你一人
tshi-tsîng tsí-ū tuì lí tsi̍t-lâng
敢講你袂了解
kám-kóng lí buē liáu-kái
阮猶原是你的人
gún iu-guân sī lí ê lâng
