米酒傷心淚
《米酒傷心淚》Bí-tsiú Siong-sim Luī
袁小迪Uân Sió-ti̍k
——————————————
燒酒一杯一杯
sio-tsiú tsi̍t-pue-tsi̍t-pue
啉落去
lim–lo̍h-khì
目屎點點
ba̍k-sái tiám-tiám
滴袂離
tih buē-lī
想著是過去的代誌
siūnn-tio̍h sī kuè-khì ê tāi-tsì
伊實在對阮有虛偽
i si̍t-tsāi tuì gún ū hi-guī
燒酒目屎的滋味
sio-tsiú ba̍k-sái ê tsu-bī
分袂出來是啥物
hun bē tshut-lâi sī siánn-mih
啊~無情做你去
ah~ bô-tsîng tsuè lí khì
燒酒愈啉愈無味
sio-tsiú jú lim jú bô-bī
燒酒一杯一杯
sio-tsiú tsi̍t-pue-tsi̍t-pue
啉落去
lim–lo̍h-khì
心頭陣陣
sim-thâu tsūn-tsūn
疼袂離
thiànn buē-lī
叫我欲怎樣莫想伊
kiò guá beh tsuánn-iūnn mài siūnn i
叫阮欲怎樣過日子
kiò gún beh tsuánn-iūnn kuè ji̍t-tsí
燒酒目屎的滋味
sio-tsiú ba̍k-sái ê tsu-bī
分袂出來是啥物
hun bē tshut-lâi sī siánn-mih
啊~無情做你去
ah~ bô-tsîng tsuè lí khì
燒酒愈啉愈無味
sio-tsiú jú lim jú bô-bī
