無奈的分離
《無奈的分離》Bô-nāi ê Hun-lî
方采霞Png Tshái-hâ
——————————————
欲來離開你的身邊
beh lâi lī-khui lí ê sin-pinn
毋是阮願意
m̄-sī gún guān-ì
看月娘照窗邊
khuànn ge̍h-niû tsiò thang-pinn
愛情半酸甜
ài-tsîng puànn sng-tinn
因為毋願辜負你
in-uī m̄-guān koo-hū lí
才著無奈的分離
tsiah tio̍h bô-nāi ê hun-lî
望你了解阮心意
bāng lí liáu-kái gún sim-ì
堅強著自己
kian-kiông tio̍h tsū-kí
明知無緣來做堆
bîng-tsai bô-iân lâi tsuè-tui
偏偏來想你
phian-phian lâi siūnn lí
看天星閃閃爍
khuànn thinn-tshinn siám-siám-sih
伴阮過深更
phuānn gún kuè tshim-kinn
甜蜜往事已過去
tinn-bi̍t óng-sū í kuè-khì
啥人難免會想起
siánn-lâng lân-bián ē siūnn-khí
雖然無緣伴相隨
sui-jiân bô-iân phuānn-sio-suî
永遠懷念你
íng-uán huâi-liām lí
