勇敢的泉州人
《勇敢的泉州人》Ióng-kám ê Tsuân-tsiu lâng
袁小迪Uân Sió-ti̍k
旺仔Ōng–á
——————————————
人海茫茫的世界
jîn-hái bông-bông ê sè-kài
千里萬里欲出帆
tshian-lí bān-lí beh tshut-phâng
若無你來做陣行
nā bô lí lâi tsuè-tīn kiânn
風大湧大心驚惶
hong tuā íng tuā sim kiann-hiânn
雖然你我無仝命
sui-jiân lí guá bô-kāng miā
咱有共同的心聲
lán ū kiōng-tông ê sim-siann
頭前的路無好行
thâu-tsîng ê lōo bô hó-kiânn
有你做伴心頭定
ū lí tsuè-phuānn sim-thâu tiānn
咱是勇敢的泉州人
lán sī ióng-kám ê Tsuân-tsiu-lâng
認真努力來拍拚
jīn-tsin lóo-li̍k lâi phah-piànn
你佮我行相倚
lí kah guá kiânn sio-uá
毋驚眼前的風飛沙
m̄-kiann gán-tsîng ê hong-pue-sua
咱是勇敢的泉州人
lán sī ióng-kám ê Tsuân-tsiu-lâng
面對勝敗多變化
bīn-tuì sìng-pāi to piàn-huà
困難中咱愛徛愈倚
khùn-lân tiong lán ài khiā jú uá
一定成功好名聲
it-tīng sîng-kong hó miâ-siann
