總有一工咱會贏
《總有一工咱會贏》Tsóng Ū Tsi̍t-kang Lán ē Iânn
洪水林Âng Suí-lîm(泉州)
——————————————
人生的路真歹行
jîn-sing ê lōo tsin phái-kiânn
毋是出世就好命
m̄-sī tshut-sì tiō hó-miā
雖然三分天註定
sui-jiân sann-hun thinn tsù-tiānn
七分攏著愛拍拚
tshit-hun lóng tio̍h-ài phah-piànn
啥人願意
siánn-lâng guān-ì
流浪來出外
liû-lōng lâi tshut-guā
啥人會知
siánn-lâng ē tsai
思鄉的心情
su hiong ê sim-tsiânn
落魄的時
lo̍k-phik ê sî
免驚惶
bián kiann-hiânn
選擇的路
suán-ti̍k ê lōo
踏予正
ta̍h hōo tsiànn
拄著有風雨也無算啥
tú-tio̍h ū hong-hōo iā bô-sǹg siânn
閣較艱苦嘛著拚
koh-khah kan-khóo mā tio̍h piànn
為著厝內的某囝
uī-tio̍h tshù-lāi ê bóo-kiánn
咱著認真去拍拚
lán tio̍h jīn-tsin khì phah-piànn
總有一工咱會贏
tsóng ū tsi̍t-kang lán ē iânn
