戇等三年
《戇等三年》Gōng Tán Sann-nî
洪水林Âng Suí-lîm(泉州)
——————————————
暗淡的路燈
àm-tām ê lōo-ting
寂寞的形影
tsi̍k-bo̍k ê hîng-iánn
心愛無來佮阮做伴
sim-ài bô lâi kah gún tsuè-phuānn
只有燒酒
tsí-ū sio-tsiú
會當迷醉我
ē-tàng bê-tsuì guá
今暗為誰來守孤單
kim-àm uī siáng lâi tsiú koo-tuann
當初若毋是遐爾愛你
tong-tshoo nā-m̄-sī hiah-nī ài lí
阮就袂來對你遐爾痴
gún tiō bē lâi tuì lí hiah-nī tshi
真情真意
tsin-tsîng tsin-ì
欲向你表示
beh hiòng lí piáu-sī
無情越頭做你去
bô-tsîng ua̍t-thâu tsuè lí khì
阮是真心咧等待你
gún sī tsin-sim teh tán-thāi lí
為你戇戇等三年
uī lí gōng-gōng tán sann-nî
為啥物
uī-siánn-mih
阮袂當感動你
gún buē-tàng kám-tiōng lí
夜夜望你轉阮身邊
iā-iā bāng lí tńg gún sin-pinn
啊~痴情有啥意義
ah~ tshi-tsîng ū siánn ì-gī
月娘啊
gue̍h-niû–ah
笑阮是戇大豬
tshiò gún sī gōng-tuā-ti
真心等待無情的你
tsin-sim tán-thāi bô-tsîng ê lí
我決心將你放袂記
guá kuat-sim tsiong lí pàng-buē-kì
