戇戇等待你
《戇戇等待你》Gōng-gōng Tán-thāi Lí
洪水林Âng Suí-lîm(泉州)
——————————————
茫茫的深更
bâng-bâng ê tshim-kinn
月娘正當圓
gue̍h-niû tsiànn tong înn
月光照著阮的窗邊
gue̍h-kng tsiò tio̍h gún ê thang-pinn
為按怎攏睏袂去
uī-án-tsuánn lóng khùn buē-khì
阮到底是想啥物
gún tàu-té sī siūnn siánn-mih
心內裝甲滿滿是
sim-lāi tsng kah muá-muá-sī
阮的情為你痴
gún ê tsîng uī lí tshi
敢講命運來創治
kám-kóng miā-ūn lâi tshòng-tī
以前的甜蜜
í-tsîng ê tinn-bi̍t
全部消失去
tsuân-pōo siau-sit–khì
害阮戇戇等待你
hāi gún gōng-gōng tán-thāi lí
親像月娘等天星
tshin-tshiūnn gue̍h-niû tán thinn-tshinn
敢講你將阮放袂記
kám-kóng lí tsiong gún pàng-buē-kì
