冷風沙
《冷風沙》Líng Hong-sua
劉輝翔Lâu Hui-siông(漳州漳浦)
——————————————
心若冷風沙
sim ná líng hong-sua
伴阮的孤單
phuānn gún ê koo-tuann
人生旅途夢一般
jîn-sing lú-tôo bāng tsi̍t-puann
若是無你來做伴
nā-sī bô lí lâi tsuè-phuānn
親像煙雲飛袂散
tshin-tshiūnn ian-hûn pue buē-suànn
毋通雄雄
m̄-thang hiông-hiông
將咱的愛來拆散
tsiong lán ê ài lâi thiah-suànn
閣是這杯酒
koh sī tsit pue tsiú
永遠啉袂焦
íng-uán lim buē ta
這首悲歌唱袂煞
tsit siú pi-kua tshiùnn buē-suah
當初佮阮攬心肝
tong-tshoo kah gún lám sim-kuann
如今放阮受風寒
jû-kim pàng gún siū hong-kuânn
一人一城孤單
tsi̍t-lâng tsi̍t-siânn koo-tuann
無依倚
bô i-uá
想欲閣予你溫柔
siūnn-beh koh hōo lí un-jiû
看你媠媠的目睭
khuànn lí suí-suí ê ba̍k-tsiu
毋知你敢有感受
m̄-tsai lí kám ū kám-siū
想欲閣牽你的手
siūnn-beh koh khan lí ê tshiú
為你造一个岫
uī lí tsō tsi̍t-ê siū
無論世情變怎樣
bô-lūn sè-tsîng piàn tsuánn-iūnn
做一對相倚鴛鴦
tsuè tsi̍t-tuì sio-uá uan-iunn
