離別的港口
《離別的港口》Lî-pia̍t ê Káng-kháu
葉啟田Ia̍p Khé-tiân
——————————————
今夜是最後暗暝
kim-iā sī tsuè-āu àm-mî
想著喉就滇
siūnn-tio̍h âu tsiū tīnn
心愛的踮在港邊
sim-ài–ê tiàm-tsāi káng-pinn
啊~傷心頭敧敧
ah~ siong-sim thâu khi-khi
白色的夜雺霧
pe̍h-sik ê iā bông-bū
照咱心酸悲
tsiò lán sim sng-pi
這就是頭一次
tse tsiū-sī thâu tsi̍t-tshù
傷心的分離
siong-sim ê hun-lî
毋知著等何時
m̄-tsai tio̍h tán hô-sî
啊~雙人再相見
ah~ siang-lâng tsài sann-kìnn
今夜是欲離開港
kim-iā sī beh lī-khui káng
想著心操煩
siūnn-tio̍h sim tshau-huân
船頂的水螺聲音
tsûn-tíng ê tsuí-lê siann-im
啊~催阮目屎滴
ah~ tshui gún ba̍k-sái tih
希望你在故鄉
hi-bāng lí tsāi kòo-hiong
等待相會時
tán-thāi siong-huē sî
可愛的這隻船
khó-ài ê tsit tsiah tsûn
已經離港墘
í-king lî káng-kînn
金金來看著伊
kim-kim lâi khuànn-tio̍h i
啊~形影消失去
ah~ hîng-iánn siau-sit–khì
