真情
《真情》Tsin-tsîng
羅時豐Lô Sî-hong
——————————————
霓虹燈
nê-hông-ting
閃爍在眼前
siám-sih tsāi gán-tsîng
親像你對阮的叮嚀
tshin-tshiūnn lí tuì gún ê ting-lîng
繁華的城市
huân-huâ ê siânn-tshī
燦爛的夜景
tshàn-lān ê iā-kíng
予阮一時看袂清
hōo gún tsi̍t-sî khuànn buē-tshing
想著你迷人的表情
siūnn-tio̍h lí bê-lâng ê piáu-tsîng
溫暖阮出外的心靈
un-luán gún tshut-guā ê sim-lîng
你為咱兩人
lí uī lán nn̄g-lâng
所做的犧牲
sóo tsuè ê hi-sing
阮一定
gún it-tīng
用一生來還
iōng it-sing lâi hîng
雖然茫茫的前程
sui-jiân bâng-bâng ê tsiân-tîng
雖然好䆀也無一定
sui-jiân hó-bái iā bô-it-tīng
相信我會創造光榮
siong-sìn guá ē tshòng-tsō kong-îng
毋免海誓也免山盟
m̄-bián hái-sè iā bián san-bîng
我用拍拚來做保證
guá iōng phah-piànn lâi tsuè pó-tsìng
千言萬語一句愛你
tshian-giân bān-gí tsi̍t-kù ài lí
希望你會知情
hi-bāng lí ē tsai-tsîng
