小可大代誌
《小可大代誌》Sió-khuá Tuā Tāi-tsì
葉啟田Ia̍p Khé-tiân
——————————————
愛人拖我買物件
ài-jîn thua guá bé mi̍h-kiānn
聽著用錢
thiann-tio̍h iōng tsînn
心就疼
sim tiō thiànn
忍疼毋敢來出聲
jím thiànn m̄-kánn lâi tshut-siann
伊看我面色就知影
i khuànn guá bīn-sik tiō tsai-iánn
我又心驚驚
guá iū sim kiann-kiann
哎喲!驚伊看出我心情
aih-ioh! kiann i khuànn-tshut guá sim-tsiânn
嘿!小可大代誌喔
heh! sió-khuá tuā tāi-tsì–ooh
你所愛買的物件
lí sóo ài bé ê mi̍h-kiānn
無錢我嘛著來去拚
bô-tsînn guá mā tio̍h lâi-khì piànn
陪伴愛人行菜館
puê-phuānn ài-jîn kiânn tshài-kuán
簡單客飯免麻煩
kán-tan kheh-pn̄g bián mâ-huân
啊服務生來烏白亂
ah ho̍k-bū-sing lâi oo-pe̍h luān
叫伊點大菜
kiò i tiám tuā-tshài
閣十外款
koh tsa̍p-guā khuán
心頭嗶噗喘
sim-thâu phi̍t-pho̍k tshuán
哎喲!男子氣魄
aih-ioh! lâm-tsú khì-phik
就毋敢旋
tō m̄-kánn suan
嘿!小可大代誌
heh! sió-khuá tuā tāi-tsì
有你陪我行菜館
ū lí puê guá kiânn tshài-kuán
用錢大方免寒酸
iōng tsînn tāi-hong bián hân-suan
小可大代誌
sió-khuá tuā tāi-tsì
