惜別
《惜別》Sioh-pia̍t
胡美紅Oô Bí-hông
——————————————
你咱雙人彼當時
lí lán siang-lâng hit-tong-sî
踮在港邊來相見
tiàm-tsāi káng-pinn lâi sio-kìnn
無疑今夜欲分離
bô-gî kim-iā bueh hun-lî
猶原這港邊
iu-guân tse káng-pinn
雺霧的悽涼暗暝
bông-bū ê tshi-liâng àm-mî
月娘影稀微
ge̍h-niû iánn hi-bî
引阮來懷念彼時
ín gún lâi huâi-liām hit-sî
喉管強欲滇
âu-kńg kiōng-bueh tīnn
留戀也是無了時
liû-luân iā-sī bô-liáu-sî
總是暫時惜別離
tsóng–sī tsiām-sî sioh pia̍t-lî
海上行船好男兒
hái-siōng kiânn-tsûn hó lâm-jî
四海皆兄弟
sù-hái kai hiann-tī
希望伊保惜情義
hi-bāng i pó-sioh tsîng-gī
毋通放袂記
m̄-thang pàng-buē-kì
忍耐著傷心珠淚
jím-nāi tio̍h siong-sim tsu-luī
笑容送卿伊
tshiò-iông sàng khing i
永遠愛你我愛你
íng-uán ài lí guá ài lí
為著愛你來出世
uī-tio̍h ài lí lâi tshut-sì
雖然暫時的分離
sui-jiân tsiām-sî ê hun-lî
猶原難分離
iu-guân lân hun-lî
希望你早日歸期
hi-bāng lí tsá-ji̍t kui-kî
事事愛細膩
sū-sū ài sè-jī
故鄉的純情花枝
kòo-hiong ê sûn-tsîng hue-ki
每日等著你
muí-ji̍t tán tio̍h lí
