雨水沃澹阮心肝
《雨水沃澹阮心肝》Hōo-tsuí Ak-tâm Gún Sim-kuann
方順吉Png Sūn-kiat
——————————————
想你到深夜
siūnn lí kàu tshim-iā
心內攏是你的影
sim-lāi lóng-sī lí ê iánn
愛你的心
ài lí ê sim
猶原堅定無變卦
iu-guân kian-tīng bô piàn-kuà
山盟海誓
san-bîng hái-sè
變成拖磨
piàn-sîng thua-buâ
傷心人傷心歌
siong-sim lâng siong-sim kua
雨中孤單一人行
hōo-tiong koo-tuann tsi̍t-lâng kiânn
啊~雨水沃澹阮心肝
ah~ hōo-tsuí ak-tâm gún sim-kuann
伴著深深的心疼
phuānn tio̍h tshim-tshim ê sim-thiànn
思思念念的心情
su-su-liām-liām ê sim-tsiânn
有誰知影啊~
ū siáng tsai-iánn–ah~
悲傷的情歌
pi-siong ê tsîng-kua
何時才唱會煞
hô-sî tsiah tshiùnn ē suah
無緣的情路
bô-iân ê tsîng-lōo
啥人來伴
siánn-lâng lâi phuānn
