聽見改變的聲
《聽見改變的聲》Thiann-kìnn Kái-piàn ê Siann
王俊傑Ông Tsùn-kia̍t
——————————————
臺北的故事
Tâi-pak ê kòo-sū
愛一代傳一代
ài tsi̍t-tāi thuân tsi̍t-tāi
–
我想欲寫一首歌
guá siūnn-beh siá tsi̍t-siú kua
對著未來寄望的歌
tuì tio̍h bī-lâi kià-bāng ê kua
生活弱勢的人
sing-ua̍h jio̍k-sè ê lâng
攏袂閣驚惶
lóng buē koh kiann-hiânn
佇遮拍拚的人
tī tsia phah-piànn ê lâng
攏感覺有希望
lóng kám-kak ū hi-bāng
我想欲寫一首歌
guá siūnn-beh siá tsi̍t-siú kua
寫著未來幸福的歌
siá tio̍h bī-lâi hīng-hok ê kua
咱的序大
lán ê sī-tuā
攏有人陪伴
lóng ū-lâng puê-phuānn
咱的囡仔
lán ê gín-á
愈來愈快活
jú-lâi-jú khuìnn-ua̍h
我一直用心咧聽
guá it-ti̍t iōng-sim teh thiann
用心咧聽
iōng-sim teh thiann
聽這个城市
thiann tsit ê siânn-tshī
四季的變化
sù-kuì ê piàn-huà
我一直用心咧聽
guá it-ti̍t iōng-sim teh thiann
用心咧聽
iōng-sim teh thiann
聽愈來愈濟人
thiann jú-lâi-jú tsuē lâng
有仝款的心聲
ū kāng-khuán ê sim-siann
有聽見改變的聲
ū thiann-kìnn kái-piàn ê siann
改變的聲
kái-piàn ê siann
陪伴咱的城市
puê-phuānn lán ê siânn-tshī
做伙向前行
tsò-hué hiòng-tsiân kiânn
臺北的未來
Tâi-pak ê bī-lâi
一定會閣較精彩
it-tīng ē koh-khah tsing-tshái
這是咱的約束佮期待
tse sī lán ê iok-sok kah kî-thāi
聽見改變的聲
thiann-kìnn kái-piàn ê siann
改變的聲
kái-piàn ê siann
認真的人袂孤單
jīn-tsin ê lâng buē koo-tuann
將臺北的熱情
tsiong Tâi-pak ê jia̍t-tsîng
傳遍全世界
thuân piàn tsuân sè-kài
臺北的故事
Tâi-pak ê kòo-sū
愛一代傳一代
ài tsi̍t-tāi thuân tsi̍t-tāi
