純情少女心
《純情少女心》Sûn-tsîng Siàu-lú Sim
丁黛Ting Tāi
——————————————
秋風又閣吹起
tshiu-hong iū-koh tshue khí
引阮心稀微
ín gún sim hi-bî
想起當時踮在海邊
siūnn-khí tong-sî tiàm-tsāi hái-pinn
快樂唸歌詩
khuài-lo̍k liām kua-si
為怎樣無言無語
uī-tsuánn-iūnn bô-giân-bô-gí
恬恬做你去
tiām-tiām tsuè lí khì
害著阮寂寞空虛
hāi-tio̍h gún tsi̍k-bo̍k khang-hi
過著孤單的日子
kè tio̍h koo-tuann ê ji̍t-tsí
純情少女的心意
sûn-tsîng siàu-lú ê sim-ì
親像是花蕊
tshin-tshiūnn sī hue-luí
點點露水
tiám-tiám lōo-tsuí
培養著伊
puê-ióng tio̍h i
花莓才會開
hue-m̂ tsiah ē khui
希望你回心轉意
hi-bāng lí huê-sim tsuán-ì
轉來佮阮團圓
tńg-lâi kah gún thuân-înn
陪伴阮歡歡喜喜
puê-phuānn gún huann-huann-hí-hí
過著快樂的日子
kè tio̍h khuài-lo̍k ê ji̍t-tsí
