疼你倖你若寶貝
《疼你倖你若寶貝》Thiànn Lí Sīng Lí Ná Pó-puè
方順吉Png Sūn-kiat
——————————————
風吹雲就飛
hong tshue hûn tiō pue
你的良心無地揣
lí ê liông-sim bô-tè tshuē
雨若淋
hōo nā lâm
水潑落地
tsuí phuah lo̍h-tē
上蓋可憐無緣花
siōng-kài khó-liân bô-iân hue
是我貪戀妖嬌美麗
sī guá tham-luân iau-kiau bí-lē
疼你倖你若寶貝
thiànn lí sīng lí ná pó-puè
變心的理由真正濟
piàn-sim ê lí-iû tsin-tsiànn tsuē
無需要再三解說
bô su-iàu tsài-sann kái-sueh
今日離開毋是罪
kim-ji̍t lī-khui m̄-sī tsuē
無你日子照常過
bô lí ji̍t-tsí tsiàu-siông kuè
你的眼光
lí ê gán-kong
看懸無看低
khuànn kuân bô khuànn kē
明日後悔的人
bîng-ji̍t hiō-hué ê lâng
是你一个
sī lí tsi̍t-ê
