朋友爾爾
《朋友爾爾》Pîng-iú Niā-niā
吳淑敏Ngôo Siok-bín
——————————————
只要會當在你的身邊
tsí-iàu ē-tàng tsāi lí ê sin-pinn
我啥物攏毋驚
guá siánn-mih lóng m̄-kiann
你是一欉大樹
lí sī tsi̍t-tsâng tuā-tshiū
保護著我
pó-hōo tio̍h guá
毋管風雨偌大
m̄-kuán hong-hōo guā tuā
我是一隻受傷的鳥仔
guá sī tsi̍t-tsiah siū-siong ê tsiáu-á
佳哉你的陪伴
ka-tsài lí ê puê-phuānn
感謝緣份
kám-siā iân-hūn
予我停靠佇遮
hōo guá thîng-khò tī tsia
我才袂感覺孤單
guá tsiah buē kám-kak koo-tuann
偷偷愛你
thau-thau ài lí
你攏毋知影
lí lóng m̄ tsai-iánn
敢愛我講予你聽
kám ài guá kóng hōo lí thiann
無論怎樣暗示
bô-lūn tsuánn-iūnn àm-sī
你也是戇戇佇遐
lí iā-sī gōng-gōng tī hia
何時會當等你來疼
hô-sî ē-tàng tán lí lâi thiànn
袂當無你
buē-tàng bô lí
你攏毋知影
lí lóng m̄ tsai-iánn
敢講你攏無感覺
kám-kóng lí lóng bô kám-kak
我來為你牽掛
guá lâi uī lí khian-kuà
你也是戇戇佇遐
lí iā-sī gōng-gōng tī hia
當做是朋友爾爾
tòng-tsuè sī pîng-iú niā-niā
