寫一張批予家己
《寫一張批予家己》Siá Tsi̍t-tiunn Phue Hōo Ka-kī
孫淑媚Sun Siok-bī
——————————————
寫一張批予家己
siá tsi̍t-tiunn phue hōo ka-kī
提醒未來毋通袂記
thê-tshínn bī-lâi m̄-thang buē-kì
彼个抱著美夢
hit ê phō tio̍h bí-bāng
初初踏入社會的你
tshoo-tshoo ta̍p-ji̍p siā-huē ê lí
彼个充滿希望佮信心
hit ê tshiong-buán hi-bāng kah sìn-sim
相信將來
siong-sìn tsiong-lâi
一定會成功的你
it-tīng ē sîng-kong ê lí
雄雄越頭
hiông-hiông ua̍t-thâu
一年又一年
tsi̍t-nî iū tsi̍t-nî
時間也消失去
sî-kan iā siau-sit–khì
我猶有夢
guá iáu-ū bāng
親情的牽掛
tshin-tsîng ê khian-kuà
只好暫時來放棄
tsí-hó tsiām-sî lâi hòng-khì
寫一張批予家己
siá tsi̍t-tiunn phue hōo ka-kī
提醒未來毋通袂記
thê-tshínn bī-lâi m̄-thang buē-kì
彼个已經變成
hit ê í-king piàn-sîng
追求社會認同的奴隸
tui-kiû siā-huē jīn-tông ê lôo-lē
漸漸揹著生活的壓力
tsiām-tsiām phāinn tio̍h sing-ua̍h ê ap-li̍k
了解現實
liáu-kái hiān-si̍t
會予人失去初心
ē hōo-lâng sit-khì tshoo-sim
我猶是我
guá iáu-sī guá
只是無趁錢
tsí-sī bô thàn-tsînn
無法度生活啊
bô-huat-tōo sing-ua̍h–ah
我猶有夢
guá iáu-ū bāng
親情的牽掛
tshin-tsîng ê khian-kuà
揹著重擔向前行
phāinn tio̍h tāng-tànn hiòng-tsiân kiânn
變成大人
piàn-sîng tuā-lâng
原來是遮為難
guân-lâi sī tsiah uî-lân
現實就是
hiān-si̍t tiō-sī
錢錢錢
tsînn tsînn tsînn
無想欲予人看袂起
bô siūnn-beh hōo-lâng khuànn-buē-khí
看袂起
khuànn-buē-khí
喔~喔~喔~
ooh~ ooh~ ooh~
寫一張批予家己
ooh~siá tsi̍t-tiunn phue hōo ka-kī
提醒未來毋通袂記
thê-tshínn bī-lâi m̄-thang buē-kì
