怎樣袂感慨
《怎樣袂感慨》Tsuánn-iūnn Buē Kám-khài
黃妙鈴N̂g Biāu-lîng
——————————————
明知你口才厲害
bîng-tsai lí kháu-tsâi lī-hāi
偏偏予你騙毋知
phian-phian hōo lí phiàn m̄-tsai
寶貴愛情
pó-kuì ài-tsîng
最驚半路起風颱
tsuè kiann puànn-lōo khí hong-thai
你不該你不該
lí put-kai lí put-kai
見面將阮當做無熟似
kìnn-bīn tsiong gún tòng-tsuè bô si̍k-sāi
啊~你這款來對待
ah~ lí tsit khuán lâi tuì-thāi
叫我怎樣袂感慨
kiò guá tsuánn-iūnn buē kám-khài
世間上女性心內
sè-kan-siōng lú-sìng sim-lāi
總是需要人關懷
tsóng–sī su-iàu lâng kuan-huâi
一旦失去真情
it-tàn sit-khì tsin-tsîng
痛苦啥人知
thòng-khóo siánn-lâng tsai
希望你希望你
hi-bāng lí hi-bāng lí
毋通欺騙我的真情愛
m̄-thang khi-phiàn guá ê tsin tsîng-ài
啊~既然咱來熟似
ah~ kì-jiân lán lâi si̍k-sāi
毋通耽誤好將來
m̄-thang tam-gōo hó tsiong-lâi
