武林人生
《武林人生》Bú-lîm Jîn-sing
林松義Lîm Siông-gī
——————————————
做男子著有志氣
tsuè lâm-tsú tio̍h ū tsì-khì
毋通為情來傷悲
m̄-thang uī tsîng lâi siong-pi
武林黃昏四起
bú-lîm hông-hun sì-khí
甘願犧牲為正義
kam-guān hi-sing uī tsìng-gī
流浪他鄉外里
liû-lōng thann-hiong guā-lí
毋管是生抑是死
m̄-kuán sī sinn ia̍h-sī sí
這敢是江湖兄弟
tse kám-sī kang-ôo hiann-tī
應該的義理
ing-kai ê gī-lí
為愛情阮是弱者
uī ài-tsîng gún sī jio̍k-tsiá
遍走江湖拚性命
phiàn-tsáu kang-ôo piànn-sìnn-miā
毋管是銅牆鐵壁
m̄-kuán sī tâng-tshiûnn thih-piah
刀光閃閃劍刀城
to-kong siám-siám kiàm-to-siânn
毋管是三更半暝
m̄-kuán sī sann-kinn-puànn-mî
風雨也著愛行
hong-hōo iā tio̍h-ài kiânn
這敢是為著名聲
tse kám-sī uī-tio̍h miâ-siann
為著愛出名
uī-tio̍h ài tshut-miâ
為著義理為人情
uī-tio̍h gī-lí uī jîn-tsîng
甘願這世來犧牲
kam-guān tsit-sì lâi hi-sing
暗淡月娘照阮面
àm-tām ge̍h-niû tsiò gún bīn
無情黃昏四面冷
bô-tsîng hông-hun sì-bīn líng
血淋淋殺氣騰騰
hiat-lîm-lîm sat-khì thîng-thîng
一重過了又一重
tsi̍t-tîng kuè-liáu iū tsi̍t-tîng
這敢是恩怨武林
tse kám-sī un-uàn bú-lîm
恩怨的人生
un-uàn ê jîn-sing
