哀愁落雨暝
《哀愁落雨暝》Ai-tshiû Lo̍h-hōo Mî
林峰Lîm Hong
——————————————
落雨的暗暝
lo̍h-hōo ê àm-mî
四邊靜微微
sì-pinn tsīng bî-bî
只有我一時無主意
tsí-ū guá tsi̍t-sî bô tsú-ì
頭犁犁向前直去
thâu luê-luê hiòng-tsiân ti̍t khì
毋驚雨水落袂離
m̄-kiann hōo-tsuí lo̍h buē-lī
沿路來唸出著歌詩
iân-lōo lâi liām-tshut tio̍h kua-si
懷念著初戀彼時
huâi-liām tio̍h tshoo-luân hit-sî
甜蜜的滋味
tinn-bi̍t ê tsu-bī
冷淡落雨暝
líng-tām lo̍h-hōo mî
行到港岸邊
kiânn kàu káng-huānn pinn
孤一个
koo tsi̍t-ê
感覺心稀微
kám-kak sim hi-bî
又想起初戀彼時
iū siūnn-khí tshoo-luân hit-sî
兩人談情到深更
nn̄g-lâng tâm-tsîng kàu tshim-kinn
互相來約束毋分開
hōo-siong lâi iok-sok m̄ hun-khui
誰知你無情無義
siáng tsai lí bô-tsîng bô-gī
放我做你去
pàng guá tsuè lí khì
哀愁落雨暝
ai-tshiû lo̍h-hōo mî
霜風冷吱吱
sng-hong líng-ki-ki
催動阮珠淚澹目墘
tshui-tāng gún tsu-luī tâm ba̍k-kînn
滿腹的哀愁苦味
muá-pak ê ai-tshiû khóo-bī
無人會來相安慰
bô-lâng ē lâi sio an-uì
只聽見夜蟲咧哭啼
tsí thiann-kìnn iā-thâng teh khàu-thî
雨水聲又落袂離
hōo-tsuí siann iū lo̍h buē-lī
加添阮傷悲
ka-thiam gún siong-pi
