三生有幸
《三生有幸》Sam-sing Iú-hīng
林秀珠Lîm Siù-tsu
——————————————
一時貪著阿君仔媠
tsi̍t-sî tham-tio̍h a-kun-á suí
痴情為伊來食虧
tshi-tsîng uī i lâi tsia̍h-khui
今仔日看君來反悔
kia̋nn-ji̍t khuànn kun lâi huán-hué
予阮歡喜流珠淚
hōo gún huann-hí lâu tsu-luī
啊~真是三生有幸
ah~ tsin sī sam-sing iú-hīng
才會這代再做堆
tsiah-ē tsit tāi tsài tsuè-tui
一時浪子來回頭
tsi̍t-sî lōng-tsú lâi huê-thâu
重新對阮情意厚
tiông-sin tuì gún tsîng-ì kāu
早前誤會放水流
tsá-tsîng ngōo-huē pàng tsuí lâu
希望會得好到老
hi-bāng ē-tit hó kàu lāu
啊~真是三生有幸
ah~ tsin sī sam-sing iú-hīng
伊才會閣再回頭
i tsiah ē koh-tsài huê-thâu
好花算來無亂開
hó hue sǹg–lâi bô luān khui
世間因緣無亂對
sè-kan in-iân bô luān tuì
情海風波也過了
tsîng-hái hong-pho iā kuè–liáu
天清雲開伴相隨
thinn tshing hûn khui phuānn-siong-suî
啊~明明三生有幸
ah~ bîng-bîng sam-sing iú-hīng
才會得來雙雙對
tsiah ē-tit lâi siang-siang-tuì
