若是
若是Ná-Si
劉家凱ft.曹雅雯
相信家己這句話
siong-sìn ka-tī tsi̍t kù uē
敢有講甲厭?
kám-ū kóng-kah ià-siān
面對家己這句話
bīn-tuì ka-tī tsi̍t kù uē
敢有幾人兌現
kám-ū kuí-lâng tuī-hiān
保護家己這句話
pó-hōo ka-tī tsi̍t kù uē
敢有真正聽落
kám-ū tsin-tsiànn thiann-lo̍h
珍惜家己這句話
tin-siò ka-tī tsi̍t kù uē
啥人對我講過
siánn-lâng tuì-guá kóng-kuè
揣無 真心佇佗位
tshuē-bô tsin-sim tī tuē
等無 真心佇佗位
tán-bô tsin-sim tī tuē
若是你想欲知影
nā-sī lí siūnn beh tsai-iánn
人情偌濟搝搦伸捙
jîn-tsîng guā-tsē giú-la̍k tshun-tshia
若是你想欲知影
nā-sī lí siūnn beh tsai-iánn
人心會有偌濟變化
lâng-sim ē ū guā-tsē piàn-huà
有的人坦坦白白
ū ê lâng thán-thán-pe̍h-pe̍h
敢知傷過幾遍
kám tsai siong-kuè kuí piàn
有的人老老實實
ū ê lâng láu-láu-si̍t-si̍t
敢知幾個真假
kám tsai kuí ê tsin-ké
有的人扶扶挺挺
ū ê lâng phôo-phôo-thánn-thánn
敢知攏咧靠勢
kám tsai lóng leh khò-sè
有的人來來去去
ū ê lâng lâi-lâi-khì-khì
總算看透社會
tsóng-sǹg khuànn-thàu siā-huē
想無 真理佇佗位
siūnn-bô tsin-lí tī tuē
掠無 真理佇佗位
lia̍h-bô tsin-lí tī tuē
若是你想欲知影
nā-sī lí siūnn beh tsai-iánn
人情偌濟搝搦伸捙
jîn-tsîng guā-tsē giú-la̍k tshun-tshia
若是你想欲知影
nā-sī lí siūnn beh tsai-iánn
人心會有偌濟變化
lâng-sim ē ū guā-tsē piàn-huà
目睭瞌瞌
ba̍k-tsiu kheh-kheh
毋免解說
m̄-bián kái-sueh
目睭擘開
ba̍k-tsiu peh-khui
看予詳細
khuànn hōo siông-sè
目睭瞌瞌
ba̍k-tsiu kheh-kheh
毋免解說
m̄-bián kái-sueh
目睭擘開
ba̍k-tsiu peh-khui
看乎詳細
khuànn hōo siông-sè
啥款的我
siánn-khuán ê guá
敢真正知影
kám tsin-tsiànn tsai-iánn
