朋友一大拖攏結婚啦
《朋友一大拖攏結婚啦》Pîng-iú Tsi̍t-tuā-thua Lóng Kiat-hun–lah
蘇明淵Soo Bîng-ian
——————————————
這幾年過到這馬
tsit kuí-nî kuè kah tsit-má
人生的路
jîn-sing ê lōo
我認真行
guá jīn-tsin kiânn
一雙箸顧一个腹肚
tsi̍t-siang tī kòo tsi̍t-ê pak-tóo
毋免驚仔趁無夠食
m̄-bián kiann-á thàn bô-kàu tsia̍h
因為我無某無囝
in-uī guá bô-bóo bô-kiánn
啉雄酒
lim hiông-tsiú
點你的歌
tiám lí ê kua
賰我佇遮
tshun guá tī tsia
唱攏袂煞
tshiùnn lóng buē-suah
看電影
khuànn tiān-iánn
規廳的人陪伴
kui-thiann ê lâng puê-phuānn
掠準你佇遮
lia̍h-tsún lí tī tsia
為啥我猶感覺孤單
uī-siánn guá iáu kám-kak koo-tuann
朋友一大拖
pîng-iú tsi̍t-tuā-thua
攏結婚啦
lóng kiat-hun–lah
賰我猶咧等一个人
tshun guá iáu teh tán tsi̍t-ê lâng
一場夢
tsi̍t-tiûnn bāng
一場空
tsi̍t-tiûnn khang
朋友一大拖
pîng-iú tsi̍t-tuā-thua
攏結婚啦
lóng kiat-hun–lah
賰我猶咧等一个人
tshun guá iáu teh tán tsi̍t-ê lâng
一个予我心碎
tsi̍t-ê hōo guá sim tshuì
予我心疼
hōo guá sim thiànn
予我甘願等待的人
hōo guá kam-guān tán-thāi ê lâng
