無情的人我恨你
《無情的人我恨你》Bô-tsîng ê Lâng Guá Hūn Lí
李珮菁Lí Puē-tsing
——————————————
秋風微微
tshiu-hong bî-bî
吹送阮身邊
tshue-sàng gún sin-pinn
今夜月娘無看見
kim-iā gue̍h-niû bô khuànn–kìnn
暗淡的路燈閃閃爍
àm-tām ê lōo-ting siám-siám-sih
怎樣盈暗遮稀微
tsuánn-iūnn îng-àm tsiah hi-bî
若想起初戀時陣
nā siūnn-khí tshoo-luân sî-tsūn
你我糖蜜甜
lí guá thn̂g-bi̍t-tinn
無疑咱情海風波
bô-gî lán tsîng-hái hong-pho
煞著來分開
suah tio̍h lâi hun-khui
為啥物為啥物
uī-siánn-mih uī-siánn-mih
你無來聽阮來解說
lí bô lâi thiann gún lâi kái-sueh
恬恬就來做你去
tiām-tiām tiō lâi tsuè lí khì
夜霧濛濛罩四邊
iā-bū bông-bông tà sì-pinn
盈暗月娘無看見
îng-àm gue̍h-niû bô khuànn–kìnn
孤單來到他鄉的都市
koo-tuann lâi-kàu thann-hiong ê too-tshī
到底你是在哪裡
tàu-tué lí sī tsāi ná-lí
你講你永遠愛阮
lí kóng lí íng-uán ài gún
永遠照顧阮
íng-uán tsiàu-kòo gún
如今你放捒著阮
jû-kim lí pàng-sak tio̍h gún
害阮揣無你
hāi gún tshē-bô lí
是按怎是按怎
sī-án-tsuánn sī-án-tsuánn
阮袂當來放袂記你
gún buē-tàng lâi pàng-buē-kì lí
無情的人
bô-tsîng ê lâng
怨恨你
uàn-hūn lí
