時代造英雄
《時代造英雄》Sî-tāi Tsō Ing-hiông
夕陽武士樂團Si̍k-iông Bú-sū Ga̍k-thuân
——————————————
日頭真炎
ji̍t-thâu tsin iām
流著滿身軀的汗
lâu tio̍h muá sin-khu ê kuānn
繼續做
kè-sio̍k tsò
想欲煞
siūnn-beh suah
繼續行
kè-sio̍k kiânn
想欲煞
siūnn-beh suah
你何必閣需要問我
lí hô-pit koh su-iàu mn̄g guá
春來秋去
tshun lâi tshiu khì
一日仝款每一日
tsi̍t-ji̍t kāng-khuán muí tsi̍t-ji̍t
想當初
siūnn tong-tshoo
袂記得的志氣
buē-kì-tsit ê tsì-khì
袂記得
buē-kì-tsit
兄弟我勸你看予開
hiann-tī guá khǹg lí khuànn hōo khui
啊~看著仝款的風景
ah~ khuànn-tio̍h kāng-khuán ê hong-kíng
出世註定
tshut-sì tsù-tiānn
九分靠拍拚
káu-hun khò phah-piànn
啊~人生毋通倒反行
ah~ jîn-sing m̄-thang tò-píng kiânn
時代造英雄
sî-tāi tsō ing-hiông
咱著來改變時代
lán tio̍h lâi kái-piàn sî-tāi
咱攏會選擇
lán lóng ē suán-ti̍k
行平坦坦的路
kiânn pênn-thánn-thánn ê lōo
一空一隙的塗跤
tsi̍t-khang tsi̍t-khiah ê thôo-kha
無一定絕望
bô-it-tīng tsua̍t-bōng
世間無英雄
sè-kan bô ing-hiông
也無需要創造
iā bô su-iàu tshòng-tsō
恬恬來做你所做
tiām-tiām lâi tsò lí sóo tsò
予人來尊重
hōo-lâng lâi tsun-tiōng
