分手批
《分手批》Hun-tshiú Phue
夕陽武士樂團Si̍k-iông Bú-sū Ga̍k-thuân
——————————————
點完最後的一枝薰
tiám uân tsuè-āu ê tsi̍t-ki hun
是時陣講再會
sī sî-tsūn kóng tsài-huē
開始到結束
khai-sí kàu kiat-sok
毋知你心內
m̄ tsai lí sim-lāi
咧想啥物
teh siūnn siánn-mih
你講你總是看袂著
lí kóng lí tsóng-sī khuànn buē-tio̍h
看袂著咱兩人的未來
khuànn buē-tio̍h lán nn̄g-lâng ê bī-lâi
只要用心去看
tsí-iàu iōng-sim khì khuànn
好的代誌
hó ê tāi-tsì
一定會綴咱行
it-tīng ē tuè lán kiânn
只是需要改變
tsí-sī su-iàu kái-piàn
心中的白賊話
sim-tiong ê pe̍h-tsha̍t-uē
害我行袂過
hāi guá kiânn buē-kuè
眼前的分離
gán-tsîng ê hun-lî
我無勇氣面對
guá bô ióng-khì bīn-tuì
將酒啉落去
tsiong tsiú lim–lo̍h-khì
用酒來麻痺
iōng tsiú lâi bâ-pì
我無流目屎
guá bô lâu ba̍k-sái
看完這張分手批
khuànn uân tsit tiunn hun-tshiú phue
