一刀予我倒
《一刀予我倒》Tsi̍t-to Hōo Guá Tó
夕陽武士樂團Si̍k-iông Bú-sū Ga̍k-thuân
——————————————
猶是睏袂去
iáu-sī khùn buē-khì
為何會失眠
uī-hô ē sit-bîn
反來反過去
píng lâi píng kuè-khì
咧煩惱啥物
teh huân-ló siánn-mih
也毋是有結拍袂開
iā m̄-sī ū kat phah buē-khui
齷齪心情
ak-tsak sim-tsîng
失眠的原因
sit-bîn ê guân-in
若有人提起你
nā ū-lâng thê-khí lí
像菩薩的化身
tshiūnn phôo-sat ê huà-sin
這款的笑話
tsit khuán ê tshiò-uē
你竟然聽會落去
lí kìng-jiân thiann ē lo̍h-khì
方向傷過四序
hong-hiòng siunn-kuè sù-sī
生活有啥意義
sing-ua̍h ū siánn ì-gī
我毋願活在假意
guá m̄-guān ua̍h tsāi ké-ì
我無法度講一套
guá bô-huat-tōo kóng tsi̍t-thò
煞閣做一套
suah koh tsuè tsi̍t-thò
三心兩意
sam-sim lióng-ì
變來又閣變去
piàn-lâi iū-koh piàn-khì
西瓜倚大爿
si-kue uá tuā-pîng
行踏繁華世界
kiânn-ta̍h huân-huâ sè-kài
敢是毋免講信用
kám-sī m̄-bián kóng sìn-iōng
苦衷無地講
khóo-thiong bô-tè kóng
你講你是為我好
lí kóng lí sī uī guá hó
規氣一刀予我倒
kui-khì tsi̍t-to hōo guá tó
