堅持一定贏
《堅持一定贏》Kian-tshî It-tīng Iânn
曾朝松Tsan Tiâu-siông
——————————————
人人心中
lâng-lâng sim-tiong
攏有一个夢
lóng ū tsi̍t-ê bāng
期待成功彼一工
kî-thāi sîng-kong hit-tsi̍t-kang
為著鄉親來拍拚
uī-tio̍h hiong-tshin lâi phah-piànn
一步一步向前行
tsi̍t-pōo-tsi̍t-pōo hiòng-tsiân kiânn
若是想欲過著好日子
nā-sī siūnn-beh kuè tio̍h hó ji̍t-tsí
就是拍拚佮堅持
tiō-sī phah-piànn kah kian-tshî
雖然有時不如意
sui-jiân ū-sî put-jû-ì
咱也毋通來失志
lán iā m̄-thang lâi sit-tsì
只要堅持
tsí-iàu kian-tshî
一定贏
it-tīng iânn
小小困難無算啥
sió-sió khùn-lân bô-sǹg siánn
你我仝心向前行
lí guá kāng-sim hiòng-tsîng kiânn
咱的人生第一名
lán ê jîn-sing tē-it-miâ
人講積沙會成塔
lâng kóng tsik-sua ē sîng-thah
咱來心肝結相倚
lán lâi sim-kuann kiat sio-uá
只要堅持
tsí-iàu kian-tshî
一定贏
it-tīng iânn
