酒女的心聲
《酒女的心聲》Tsiú-lú ê Sim-siann
蕭蔓萱Siau Bān-suan
——————————————
青紅燈光閃閃爍
tshinn-âng ting-kng siám siám-sih
四邊全是薰酒味
sì-pinn tsuân sī hun-tsiú bī
裝著笑容來趁錢
tsng tio̍h tshiò-iông lâi thàn-tsînn
忍耐人客的凌治
jím-nāi lâng-kheh ê lîng-tī
酒女運命真稀微
tsiú-lú ūn-miā tsin hi-bî
目屎一滴又一滴
ba̍k-sái tsi̍t-tih iū tsi̍t-tih
啥人有情佮有義
siánn-lâng ū-tsîng kah ū-gī
救阮脫離著火坑
kiù gún thuat-lî tio̍h hué-khinn
燒酒一杯又一杯
sio-tsiú tsi̍t-pue iū tsi̍t-pue
啉甲頭殼戇戇踅
lim kah thâu-khak gōng-gōng se̍h
為著生活遮狼狽
uī-tio̍h sing-ua̍h tsiah liông-puē
才來做著酒女花
tsiah lâi tsuè tio̍h tsiú-lú-hue
人客一个又一个
lâng-kheh tsi̍t-ê iū tsi̍t-ê
心肝愈想愈怨慼
sim-kuann jú siūnn jú uàn-tsheh
只好忍耐著一切
tsí-hó jím-nāi tio̍h it-tshè
期待早日君來揣
kî-thāi tsá-ji̍t kun lâi tshuē
