純情的行船人
《純情的行船人》Sûn-tsîng ê Kiânn-tsûn-lâng
謝大山Siā Tāi-san
——————————————
可愛的彼个人
khó-ài ê hit ê lâng
送出帆彼一暝
sàng tshut-phâng hit tsi̍t-mî
毋甘著我來離開
m̄-kam tio̍h guá lâi lī-khui
滿面全是珠淚滴
muá-bīn tsuân sī tsu-luī-tih
攑頭來看著天星
gia̍h-thâu lâi khuànn-tio̍h thinn-tshinn
暗中叫著你名字
àm-tiong kiò tio̍h lí miâ-jī
為怎樣
uī-tsánn-iūnn
你來愛著
lí lâi ài-tio̍h
行船的男兒
kiânn-tsûn ê lâm-jî
袂得通每日
buē-tit thang muí-ji̍t
踮你身邊
tiàm lí sin-pinn
過著快樂春天
kè tio̍h khuài-lo̍k tshun-thinn
彼對的烏目睭
hit tuì ê oo ba̍k-tsiu
甘甜的紅喙脣
kam-tinn ê âng tshuì-tûn
昨暝又在眠夢中
tsa-mî iū tsāi bîn-bāng tiong
引我心情亂紛紛
ín guá sim-tsîng luān hun-hun
親像我漂東往西
tshin-tshiūnn guá phiau-tang óng-sai
每日想你心憂悶
muí-ji̍t siūnn lí sim iu-būn
因為我毋願看破
in-uī guá m̄-guān khuànn-phuà
這段的愛情
tsit tuānn ê ài-tsîng
又恐驚
iū khióng-kiann
耽誤你的青春
tam-gōo lí ê tshing-tshun
一生對我抱怨恨
it-sing tuì guá phāu uàn-hūn
哀愁的波浪聲
ai-tshiû ê pho-lōng siann
海風的淒冷味
hái-hong ê tshe-líng bī
又來伴我過深更
iū lâi phuānn guá kè tshim-kinn
對你暗流珠淚滴
tuì lí àm lâu tsu-luī-tih
希望你好好等待
hi-bāng lí hó-hó tán-thāi
閣再忍耐心稀微
koh-tsài jím-nāi sim hi-bî
相信我袂來辜負
siong-sìn guá buē lâi koo-hū
純真的情義
sûn-tsin ê tsîng-gī
船隻若
tsûn-tsiah nā
轉去故鄉港邊
tńg-khì kòo-hiong káng-pinn
永遠佮你不分離
íng-uán kah lí put hun-lî
