應該著看破
《應該著看破》Ing-kai Tio̍h Khuànn-phuà
謝大山Siā Tāi-san
——————————————
毋是我咧愛風流
m̄-sī guá teh ài hong-liû
貪戀跳舞佮燒酒
tham-luân thiàu-bú kah sio-tsiú
這是為欲解憂愁
tse sī uī beh kái iu-tshiû
姑不三將變這樣
koo-put-sann-tsiong piàn tsit-iūnn
真濟至親好朋友
tsin tsuē tsì-tshin hó-pîng-iú
勸我著愛會曉想
khǹg guá tio̍h-ài ē-hiáu siūnn
應該決心來看破
ing-kai kuat-sim lâi khuànn-phuà
彼个無情的小姑娘
hit ê bô-tsîng ê sió-koo-niû
好好提出勇氣
hó-hó the̍h tshut ióng-khì
另外閣再去追求
līng-guā koh-tsài khì tui-kiû
毋通怪我無志氣
m̄-thang kuài guá bô tsì-khì
暝日較想也是伊
mî-ji̍t khah siūnn iā-sī i
這是為著愛所致
tse sī uī-tio̍h ài sóo-tì
綿綿情絲斷袂離
mî-mî tsîng-si tn̄g buē-lī
真濟朋友咧講起
tsin tsuē pîng-iú teh kóng-khí
我的感情太幼稚
guá ê kám-tsîng thài iù-tī
雖然佮伊無緣份
sui-jiân kah i bô iân-hūn
應該著共伊放袂記
ing-kai tio̍h kā-i pàng-buē-kì
好好提出勇氣
hó-hó the̍h tshut ióng-khì
另外追求新伴侶
līng-guā tui-kiû sin phuānn-lī
