你的Kiss
《你的Kiss》Lí ê Kiss
蘇霈Soo Phài
——————————————
心肝驚驚
sim-kuann kiann-kiann
閣期待
koh kî-thāi
你的要求
lí ê iau-kiû
真可愛
tsin khó-ài
頭殼犁犁
thâu-khak lê-lê
阮毋知
gún m̄-tsai
想無愛答應
siūnn bô-ài tah-ìng
敢會使
kám ē-sái
目睭瞌瞌
ba̍k-tsiu kheh-kheh
咧等待
tih tán-thāi
你的喘氣
lí ê tshuán-khuì
嗶噗惝
phi̍t-pho̍k-tsháinn
阮的緊張
gún ê kín-tiunn
無人知
bô-lâng tsai
敢講你嘛頭一擺
kám-kóng lí mā thâu tsi̍t-pái
你的Kiss若火箭
lí ê Kiss ná hué-tsìnn
害阮規面紅記記
hāi gún kui bīn âng-kì-kì
毋敢攑頭來看你
m̄-kánn gia̍h-thâu lâi khuànn lí
毋知手欲囥佗位
m̄-tsai tshiú beh khǹg tó-uī
害阮的心歪吱吱
hāi gún ê sim uai ki-ki
你的Kiss若糖水
lí ê Kiss ná thn̂g-tsuí
親像透早的露水
tshin-tshiūnn thàu-tsá ê lōo-tsuí
叫阮一時昏落去
kiò gún tsi̍t-sî hūn–lo̍h-khì
想欲倚踮你身邊
siūnn-beh uá tiàm lí sin-pinn
你的身邊
lí ê sin-pinn
