藝人的心聲
《藝人的心聲》Gē-jîn ê Sim-siann
蔡秋鳳Tshuà Tshiu-hōng
——————————————
為著追求阮理想
uī-tio̍h tui-kiû gún lí-sióng
踏入著歌廳
ta̍h-ji̍p tio̍h kua-thiann
舞臺燈光閃閃爍
bú-tâi ting-kng siám-siám-sih
照阮的人影
tsiò gún ê lâng-iánn
唱出抒情的歌聲
tshiùnn-tshut su-tsîng ê kua-siann
感謝熱烈的掌聲
kám-siā jia̍t-lia̍t ê tsióng-siann
雖然逐家來捀場
sui-jiân ta̍k-ke lâi phâng-tiûnn
啥人了解
siánn-lâng liáu-kái
阮藝人的心聲
gún gē-jîn ê sim-siann
靜靜後臺心稀微
tsīng-tsīng āu-tâi sim hi-bî
行出著歌廳
kiânn tshut tio̍h kua-thiann
路邊燈光閃閃爍
lōo-pinn ting-kng siám-siám-sih
照阮孤單影
tsiò gún koo-tuann iánn
是求幸福佮名聲
sī kiû hīng-hok kah miâ-siann
憂悶心情誰知影
iu-būn sim-tsîng siáng tsai-iánn
雖然逐家真欣羨
sui-jiân ta̍k-ke tsin him-siān
啥人會知
siánn-lâng ē tsai
阮藝人的心聲
gún gē-jîn ê sim-siann
