等待的港邊
《等待的港邊》Tán-thāi ê Káng-pinn
蔡秋鳳Tshuà Tshiu-hōng
——————————————
孤單來到
koo-tuann lâi-kàu
這个昔日的海邊
tsit ê sik-ji̍t ê hái-pinn
海風來吹著
hái-hong lâi tshue tio̍h
吹著阮心內傷悲
tshue tio̍h gún sim-lāi siong-pi
若想起彼个黃昏
nā siūnn-khí hit ê hông-hun
若看著彼个船影
nā khuànn-tio̍h hit ê tsûn-iánn
目屎就像雨滴
ba̍k-sái tiō tshiūnn hōo tih
你出帆已經兩年
lí tshut-phâng í-king nn̄g-nî
等待著你的消息
tán-thāi tio̍h lí ê siau-sit
啊~海鳥一群一群
ah~ hái tsiáu tsi̍t-kûn-tsi̍t-kûn
海風那一陣一陣
hái-hong ná tsi̍t-tsūn-tsi̍t-tsūn
暗淡的港邊
àm-tām ê káng-pinn
等待到何時
tán-thāi kàu hô-sî
你佮我
lí kah guá
有來約束踮在海邊
ū lâi iok-sok tiàm-tsāi hái-pinn
環境若變遷
khuân-kíng nā piàn-tshian
你對我
lí tuì guá
猶原無變
iu-guân bô piàn
若想起彼个時陣
nā siūnn-khí hit ê sî-tsūn
若想起你的形影
nā siūnn-khí lí ê hîng-iánn
目屎就流袂離
ba̍k-sái tiō lâu buē-lī
你講欲轉來身邊
lí kóng beh tńg-lâi sin-pinn
為怎樣哪無消息
uī-tsuánn-iūnn ná bô siau-sit
啊~日頭若是黃昏
ah~ ji̍t-thâu nā-sī hông-hun
船螺聲一陣一陣
tsûn-lê siann tsi̍t-tsūn-tsi̍t-tsūn
暗淡的港邊
àm-tām ê káng-pinn
等待到何時
tán-thāi kàu hô-sî
