瑪摺的
《瑪摺的》Má-tsih–ê
劉信明Lâu Sìn-bîng
——————————————
お酒一杯咱予焦
Osake tsi̍t-pue lán hōo ta
男氣魄遮鑠拍
Otoko khì-phik tsiah siak-phah
有約束啉酒無開車
ū iok-sok lim-tsiú bô khui-tshia
輕鬆啉啊心袂驚
khin-sang lim–ah sim buē kiann
卡拉OK快樂來唸歌
khah-la OK khuài-lo̍k lâi liām-kua
噗仔聲響動厝頂蓋
pho̍k-á-siann hiáng-tōng tshù-tíng-kuà
老兄弟散啉無虛華
lāu-hiann-tī sàn-lim bô hi-hua
太太安心無牽掛
thài-thài an-sim bô khian-kuà
乾杯啊乾杯莫拖沙
kan-pue–ah kan-pue mài thua-sua
心酸綴歌聲敨予散
sim-sng tuè kua-siann tháu hōo suànn
鬱卒莫偷藏咧心肝
ut-tsut mài thau tshàng teh sim-kuann
快樂愛分享予人聽
khuài-lo̍k ài hun-hiáng hōo-lâng thiann
笑詼佮痟話練規拖
tshiò-khue kah siáu-uē liān kui-thua
唱歌若比賽大捙拚
tshiùnn-kua ná pí-sài tuā tshia-piànn
瑪摺的
má-tsih–ê
咱公家唱一段
lán kong-ke tshiùnn tsi̍t-tuānn
啊~我做你的靠山
ah~ guá tsuè lí ê khò-suann
瑪摺的
má-tsih–ê
感情袂散
kám-tsîng buē suànn
你我咱乾杯做陣焦
lí guá lán kan-pue tsuè-tīn ta
