心情花開
《心情花開》Sim-tsîng Hue Khui
蔡多多Tshuà To-to(蔡伃涵Tshuà Î-hâm)
——————————————
想著你啊
siūnn-tio̍h lí–ah
想著你
siūnn-tio̍h lí
心情好甲千萬里
sim-tsîng hó kah tshian-bān-lí
跳落去啊
thiàu–lo̍h-khì ah
跳落去
thiàu–lo̍h-khì
你我像蝴蝶雙雙追
lí guá tshiūnn ôo-tia̍p siang-siang tui
愛著你啊
ài-tio̍h lí–ah
愛著你
ài-tio̍h lí
春風吹來
tshun-hong tshue–lâi
真隨意
tsin suî-ì
愛落去啊
ài–lo̍h-khì ah
愛落去
ài–lo̍h-khì
永永遠遠不分離
íng-íng-uán-uán put hun-lî
心情好甲像花開
sim-tsîng hó kah tshiūnn hue khui
阮可比天頂的仙女
gún khó-pí thinn-tíng ê sian-lí
情話好聽親像詩
tsîng-uē hó-thiann tshin-tshiūnn si
咱牽手散步愛河邊
lán khan-tshiú sàn-pōo ài-hô pinn
心情好甲像花開
sim-tsîng hó kah tshiūnn hue khui
形影雙雙黏做堆
hîng-iánn siang-siang liâm tsò-tui
無人會當拆分開
bô-lâng ē-tàng thiah hun-khui
阮的世界只有你
gún ê sè-kài tsí-ū lí
