少女的心願
《少女的心願》Siàu-lú ê Sim-guān
蔡秋鳳Tshuà Tshiu-hōng
——————————————
手提一跤小行李
tshiú the̍h tsi̍t-kha sió hîng-lí
欲去異鄉的都市
beh khì ī-hiong ê too-tshī
阮欲出門的時
gún beh tshut-mn̂g ê sî
爸母再三提起
pē-bú tsài-sann thê-khí
叫阮出外愛細膩
kiò gún tshut-guā ài sè-jī
雖然阮是
sui-jiân gún sī
初出社會的少女
tshoo tshut-siā-huē ê siàu-lú
嘛會捌事理
mā ē pat sū-lí
希望逐家
hi-bāng ta̍k-ke
會當對阮小照顧
ē-tàng tuì gún sió tsiàu-kòo
我會誠心感謝你
guá ē sîng-sim kám-siā lí
踮在異鄉小城市
tiàm-tsāi ī-hiong sió siânn-tshī
處處嘛有人情味
tshù-tshù mā ū jîn-tsing-bī
熟似這位兄哥
si̍k-sāi tsit uī hiann-ko
對阮有情義
tuì gún ū tsîng-gī
叫阮萬項愛細膩
kiò gún bān-hāng ài sè-jī
雖然做工
sui-jiân tsuè-kang
阮的心情也歡喜
gún ê sim-tsîng iā huann-hí
有你伴身邊
ū lí phuānn sin-pinn
你若無嫌
lí nā bô-hiâm
阮是歹命的女兒
gún sī pháinn-miā ê lú-jî
希望做著好伴侶
hi-bāng tsuè tio̍h hó phuānn-lī
