初戀的夜港邊
《初戀的夜港邊》Tshoo-luân ê Iā Káng-pinn
蔡秋鳳Tshuà Tshiu-hōng
——————————————
想起初戀的時陣
siūnn-khí tshoo-luân ê sî-tsūn
日落西山黃昏時
ji̍t-lo̍h se-san hông-hun sî
雙人約束在港邊
siang-lâng iok-sok tsāi káng-pinn
港靜人深更
káng tsīng lâng tshim-kinn
愛情若是有堅定
ài-tsîng nā-sī ū kian-tīng
毋驚港風冷吱吱
m̄-kiann káng hong líng-ki-ki
充滿初戀的滋味
tshiong-buán tshoo-luân ê tsu-bī
永遠難忘
íng-uán lân-bōng
永遠會記
íng-uán ē-kì
港邊黃昏時
káng-pinn hông-hun sî
今夜港風冷吱吱
kim-iā káng hong líng-ki-ki
親像初戀彼一暝
tshin-tshiūnn tshoo-luân hit tsi̍t-mî
孤單踮在夜港邊
koo-tuann tiàm-tsāi iā káng-pinn
無限懷念伊
bô-hān huâi-liām i
雙人愛情糖蜜甜
siang-lâng ài-tsîng thn̂g-bi̍t-tinn
無疑會來拆分離
bô-gî ē lâi thiah hun-lî
斷了初戀的情義
tuān liáu tshoo-luân ê tsîng-gī
永遠難忘
íng-uán lân-bōng
永遠會記
íng-uán ē-kì
港邊黃昏時
káng-pinn hông-hun sî
