飛機雲
《飛機雲》Hui-ki Hûn
臺北室內合唱團Tâi-pak Sik-lāi Ha̍p-tshiùnn-thuân
——————————————
飛機愈來飛愈懸
hui-ki jú lâi pue jú kuân
我的心煞愈來愈亂
guá ê sim suah jú-lâi-jú luān
是按怎
sī-án-tsuánn
我哪有這款感覺
guá ná-ū tsit khuán kám-kak
是歡喜是不安
sī huann-hí sī put-an
抑是毋甘
ia̍h-sī m̄-kam
今仔日我遠離故鄉
kia̋nn-ji̍t guá uán-lî kòo-hiong
頭前是夢中的理想
thâu-tsîng sī bāng-tiong ê lí-sióng
自細漢
tsū sè-hàn
天就是代表自由佮希望
thinn tiō-sī tāi-piáu tsū-iû kah hi-bāng
這敢是
tse kám-sī
飛向成功的飛航
pue hiòng sîng-kong ê hui-hâng
白色的飛機雲
pe̍h-sik ê hui-ki hûn
予我的人生
hōo guá ê jîn-sing
畫做兩份
uē tsuè nn̄g-hūn
一份留佇
tsi̍t-hūn lâu tī
海彼爿的故鄉
hái hit-pîng ê kòo-hiong
一份親像白紙
tsi̍t-hūn tshin-tshiūnn pe̍h-tsuá
連線嘛無一巡
liân suànn mā bô tsi̍t-sûn
落飛機出飛機場
lo̍h hui-ki tshut hui-ki-tiûnn
跤踏著生份的土地
kha ta̍h-tio̍h sinn-hūn ê thóo-tē
今仔日起
kia̋nn-ji̍t khí
異鄉人就是我的名字
ī-hiong-lâng tiō-sī guá ê miâ-jī
向未來頭一步行出去
hiòng bī-lâi thâu tsi̍t-pōo kiânn–tshut-khì
—
今仔日起我的夢
kia̋nn-ji̍t khí guá ê bāng
敢會比故鄉較甜
kám ē pí kòo-hiong khah tinn
夢內底
bāng lāi-té
敢會閣看著伊
kám ē koh khuànn-tio̍h i
