奮鬥嘛著等時機
《奮鬥嘛著等時機》Hùn-tàu Mā Tio̍h Tán Sî-ki
甄子維Tsin Tsú-uî
——————————————
阮的目屎含目墘
gún ê ba̍k-sái kâm ba̍k-kînn
阮的目屎吞落去
gún ê ba̍k-sái thun–lo̍h-khì
社會現實
siā-huē hiān-si̍t
冷淡的人情味
líng-tām ê jîn-tsîng-bī
人人鬥陣用心機
lâng-lâng tàu-tīn iōng sim-ki
予阮心稀微
hōo gún sim hi-bî
有啥人願意
ū siánn-lâng guān-ì
為著一口氣
uī-tio̍h tsi̍t-kháu-khì
阮的奮鬥無了時
gún ê hùn-tàu bô-liáu-sî
阮會拍拚用心意
gún ē phah-piànn iōng sim-ì
啊~奮鬥啊奮鬥
ah~ hùn-tàu–ah hùn-tàu
奮鬥著配合天時地利
hùn-tàu tio̍h phuè-ha̍p thian-sî tē-lī
啊~奮鬥啊
ah~ hùn-tàu–ah
啊~奮鬥啊
ah~ hùn-tàu–ah
奮鬥嘛著等待時機
hùn-tàu mā tio̍h tán-thāi sî-ki
